Yurtimiz bo‘ylab “Soʻnggi qoʻngʻiroq" tadbirlari boshlanmoqda
Ayni vaqtda mamlakatimizning barcha umumtaʼlim maktablarida “Yuksak ma’rifatli avlod — Uchinchi Renessans poydevori!” shiori ostida “Soʻnggi qoʻngʻiroq” tadbirlari boʻlib oʻtmoqda.
Joriy yilda respublikamizdagi mavjud 10 193 ta maktablarning 11-sinfini 472 436 nafar va 9-sinfini 621 894 nafar o‘quvchi tugatmoqda.
Tadbir avvalida davlat madhiyasi yangrab, Prezidentimizning maktab bitiruvchilariga yoʻllagan tabrigi oʻqib eshittirildi.
Soʻng aʼlo baholarga oʻqigan, iqtidorli va faol oʻquvchilar va ularning ota-onalariga tashakkurnomalar berildi.
Maʼlumot uchun: joriy yil 9-sinf bitiruvchilarining 605 408 nafariga oddiy, 16 486 nafariga a’lo darajali shahodatnoma beriladi.
11-sinflarning 2 047 nafari kumush va 9 731 nafari oltin medal bilan taqdirlanadi.
